ჯოელ ჩენდლერ ჰარისი, ჰერისი (ინგლ. Joel Chandler Harris; დ. 9 დეკემბერი, 1848, იტონტონი, ჯორჯიის შტატი — გ. 3 ივლისი, 1908, ატლანტა, იქვე) — ამერიკელი მწერალი. მისი შემოქმედება დაფუძნებულია აშშ-ის სამხრეთის აფრიკული მოსახლეობის ფოლკლორულ ტრადიციებზე. 1876-1900 წლებში გამოქვეყნდა ჰარისის პირველი ნარკვევები და მოთხრობები, შემდეგ - წიგნები „ბიძია რემუსი, მისი სიმღერები და ანდაზები. ძველი პლანტაციის ფოლკლორი“ (1881), „საღამოები ბიძია რემუსთან“ (1883), „მისტერ ბაჭია შინ“ (1895), „ბიძის რემუსი და ძმა ბაჭია“ (1906) და სხვები.
