კომპანია „ბიბლუსი“

წაიკითხე წიგნები, უკეთესად იქნები...

„ბიბლუსი“ საქართველოში წიგნების მაღაზიის ყველაზე ფართო ქსელია, რომლის მიზანია წიგნი ხელმისაწვდომი ყველასთვის გახადოს. „ბიბლუსი“ 2008 წლის 23 მაისს დაარსდა და უკვე 18 წელია ხელს უწყობს წიგნიერების განვითარებას ქვეყანაში. „ბიბლუსის“ წარმატების საიდუმლო მომხმარებელზე ზრუნვაშია. „ბიბლუსში“ წიგნებთან ერთად წარმოდგენილია:

• სასკოლო-საკანცელარიო ნივთების მრავალფეროვანი ასორტიმენტი;
• ელექტრო აქსესუარები;
• დეკორი;
• საახალწლო აქსესუარები;
• სათამაშოები;
• წიგნის აქსესუარები და სხვა.

კომპანიის არსებობის 18 წლის განმავლობაში, „ბიბლუსმა“ შეძლო, შეექმნა საქართველოში საგამომცემლო პროდუქტების ყველაზე ფართო სავაჭრო ქსელი, რომელიც აკმაყოფილებს თანამედროვე სტანდარტებს. კომპანია სარგებლობს მრავალრიცხოვანი მომხმარებლის ნდობით, ერთგული მომხმარებლების რაოდენობა 230,000-ზე მეტია, ხოლო ყოველწლიური გაყიდვების საშუალო მაჩვენებელი 7 მილიონი ლარია.

დღეისათვის საქართველოს მასშტაბით „ბიბლუსი“ აერთიანებს 80-მდე ფილიალს და 9 ფრენშაიზ მაღაზიას და ქვეყნის ერთ-ერთი მსხვილი დამსაქმებელია, კომპანიაში 800-მდე ადამიანია დასაქმებული.

„ბიბლუსში“ წარმოდგენილია 15-ზე მეტი მსოფლიო მასშტაბის ბრენდის, როგორებიცაა: MILAN, PONTO, CENTRUM, ROYAL TALENTS, ZIELER, Royal Christmas, Wurm, Kaemingk, Koopman, Baseus, Usams და სხვა, 25 ათასამდე დასახელების პროდუქტი.

2024 წლის იანვრიდან „ბიბლუსი“ აქტიურად ჩაერთო „წიგნიერების გამავრცელებელი საზოგადოების“ პროექტში, რომლის ფარგლებშიც, საქართველოს 50-მდე სოფელში გაიხსნა და მომარაგდა ბიბლიოთეკები, ასევე 10-მდე ქვეყანაში გაიხსნა ქართული სამკითხველოები.

„ბიბლუსი ჯგუფი“ საქართველოში ერთ-ერთი უმსხვილესი რითეილერია წიგნების მაღაზიათა ქსელის – „ბიბლუსის“ გარდა აერთიანებს სათამაშოების მაღაზიებს – „პეპელას“ და „XS Toys“-ს, საბავშვო ტანსაცმლის მაღაზიათა ქსელს „Carter’s”-ს, მულტიფუნქციურ სავაჭრო სივრცეების ქსელს – „მულტის“ და კაფეების ქსელს – „წიგნის კაფე“. ჯგუფი ჯამში საქართველოში 125-ზე მეტ სავაჭრო სივრცეს ფლობს.