კატეგორიები

სტატიები
გიორგი კეკელიძის შემოქმედებითი საღამო გაიმართება
03 თებერვალი, 2015
5 თებერვალს, 19:00 საათზე „ბიბლუსი გალერეაში“ გიორგი კეკელიძის შემოქმედებითი საღამო გაიმართება.
საღამო მრავალფეროვანი იქნება – პოეზია, პროზა და უკვე მუსიკაც, ერთ დროსა და სივრცეში.
პოეზია – გიორგი კეკელიძის კრებული – მინიატიურები, მხატვარ მაი ლაშაურთან ერთად – ნახატების გამოფენა.
პროზა – „გურული დღიურები“, გურული გმირების მონაწილეობით;
მუსიკა – გიორგი კეკელიძის და ზუმბას ერთობლივი კომპიზიციის: „ქორწილი და განშორება ანაზდად, გნებავთ ანდაზად“ პრეზენტაცია;
აგრეთვე იქნება ფასდაკლება გიორგი კეკელიძის ყველა წიგნზე.
იხილეთ ლინკი : facebook
სრულად
წინასაახალწლო სიურპრიზი მომხმარებლებს
12 დეკემბერი, 2014
მულტიფუნქციური ცენტრი ”ბიბლუსისგან”

თანამედროვე ცხოვრებაში, დატვირთული რიტმის გამო დრო ძალიან ძვირფასი გახდა. შესაბამისად, ადამიანებისთვის აქტუალური გახდა ისეთი სივრცეები, სადაც ისინი რამდენიმე საქმის ერთდროულად კეთებას მოასწრებენ – წაიკითხავენ საინტერესო ლიტერატურას, გაართობენ ბავშვებს, დაეკონტაქტებიან ადამიანებს, ისადილებენ და ა.შ. წიგნის მაღაზიათა ქსელი "ბიბლუსი" ცდილობს ფეხი აუწყოს თანამედროვე ცხოვრებასა და მომხმარებლების მოთხოვნებს. სწორედ ამიტომ გადაწყდა მულტიფუნქციური ცენტრის, "ბიბლუსი გალერის" გახსნა, რომელიც ყველა ჩამოთვლილ მოთხოვნას დააკმაყოფილებს.
სრულად
"ბიბლუსში" სასკოლო სეზონი იწყება
26 აგვისტო, 2014
5-დან 14 სექტემბრის ჩათვლით სავაჭრო ცენტრ "თბილისი ცენტრალში" დიდი სასკოლო გამოფენა-გაყიდვა მოეწყობა

სად უფრო იაფი დაგიჯდებათ სასკოლო ნივთების შეძენა?


ჩემი მეზობელი რეზო ყოველდღე ჩანთამოკიდებული ეზოში გამოდის. რომ ჰკითხავ, ამ დილაადრიან საით გაგიწევიაო, სკოლაშიო, გიპასუხებს. ერთი წელია ასე გრძელდება. და აი, დადგა სანატრელი დრო - სამ დღეში რეზო 6 წლის გახდება და მის ცხოვრებაში ახალი ეტაპი დაიწყება, 15 სექტემბერს ნამდვილ სკოლაში მიიყვანენ.
გუშინ დილითაც რეზო "სკოლაში" წასასვლელად ემზადებოდა. ჩემი ბავშვობა გამახსენდა... 22 წლის წინ რეზოსავით ზურგზე ჩანთამოკიდებულმა სკოლის ეზოში პირველად შევდგი ფეხი. იყო 1-ლი სექტემბერი, ზღვა სიხარული და მღელვარება, უცხო გარემო და ახალი წიგნების დაუვიწყარი სუნი. ყველაფერი გუშინდელ დღესავით მახსოვს და რატომღაც დღემდე ვინახავ სხვა ქვეყნიდან მშობლების ჩამოტანილ ფლომასტერებს. მაშინ ჩვენს ქვეყანაში გაჭირვება იყო, სასკოლო სახელმძღვანელოების შეძენაც ჭირდა, მაგრამ მშობლებმა შეძლეს და   ჩემი 1-ლი სექტემბერი მაინც  განსაკუთრებულ დღედ იქცა.
სრულად
ზღვის სანაპირო, კოცონი, მუსიკა და წიგნი...
14 ივლისი, 2014
Biblusi20 ივლისს ბათუმში "ბიბლუსის" საზღვაო ბიბლიოთეკა გაიხსნება ახლა, როცა ამ წერილს კითხულობთ, პლაჟზე მცხუნვარე მზეს ვეფიცხები. ბევრი თქვენგანის მსგავსად, ამ დღეებს მეც მთელი წელია, ველოდებოდი. მოკლედ, ნანატრი შვებულების განცხრომაში, ისევ ქათქათა ქალაქის სტუმარი ვარ. აქ უკვე იმდენი დამსვენებელია, რომ აჭარლები ხუმრობენ, პლაჟზე ხალხს "სმენობით" უშვებენო. ხუმრობა იქით იყოს და, ბათუმში ახლა მართლაც სიცოცხლე ჩქეფს. ასეთი ხალხმრავალი, მხიარული ბათუმი მიყვარს, ყოველ წელს რომ რაღაც სიახლეს მახვედრებს. საზღვაო სეზონი აქტიურ ფაზაშია შესული და ყოველდღიურად სულ უფრო მეტი დამსვენებელი ჩამოდის. აი ახლაც, ჩემ წინ, ახალგაზრდა უკრაინელი წყვილი მზის აბაზანებს იღებს და დროს უქმად არ კარგავს, ორივე "მექანიკურ ფორთოხალს" კითხულობს. წიგნი! სულ გადამავიწყდა თბილისიდან საკითხავის წამოღება. არადა, შვებულების დროს რა უნდა წამეკითხა, რამდენიმე თვით ადრე ვგეგმავდი. გუშინ ჩამოვედი და ორი კვირა უსაქმურად როგორ უნდა ვიყო?! კოლონადების მიმდებარე ტერიტორიაზე, უფრო ზუსტად კი "მოცეკვავე შადრევნების" წინ, დიდი ფუსფუსია. რამდენიმე მუშა ფიცრულის კონსტრუქციას აწყობს. შარშან ამ ადგილას "ბიბლუსის" საზღვაო ბიბლიოთეკა იყო, ნეტა ახლაც იმავეს ხომ არ აპირებენ? ამ ფიქრებში გართულს შარშანდელი ზაფხული და "ბიბლუსის" საზღვაო ბიბლიოთეკა მახსენდება, სამ დღეში ორი წიგნი რომ წავიკითხე. მოკლედ, ჟურნალისტური ცნობისმოყვარეობით საინტერესო რაღაცები გავარკვიე. "ბიბლუსი" წელსაც გაგვანებივრებს საზღვაო ბიბლიოთეკით - წიგნების ფართო არჩევანი, ყველა გემოვნებისა და ასაკის მკითხველისთვის, სრულიად უფასოდ. შორს წასვლაც არ მოგიწევთ, პირდაპირ სანაპიროზე სასურველ წიგნს თქვენი განწყობის შესაბამისად შეარჩევთ. გასულ წელს "ბიბლუსმა" პროექტი "ბიბლუსი" ზღვაზე" წამოიწყო. ამ პროექტის ფარგლებში წიგნის სამი ღია ბიბლიოთეკა - ბათუმის ბულვარში, სამიც ქობულეთის სანაპიროზე მოქმედებდა. ამ პროექტს წიგნის მოყვარულთა დიდი გამოხმაურება მოჰყვა. წიგნის თაროებთან დილიდან საღამომდე ხალხმრავლობა იყო, დიდი თუ პატარა დიდი ინტერესითა და ენთუზიაზმით არჩევდა მისთვის საინტერესო საკითხავს. სწორედ ამიტომ, საზაფხულო ღია ბიბლიოთეკა ტრადიციად იქცა და "ბიბლუსი" წელსაც ელოდება დამსვენებელთა აქტიურობას. თათა დგებუაძე, „"ბიბლუსის" მარკეტინგის მენეჯერი: "როგორც წინა წლებში, „"ბიბლუსი" ტრადიციას არც წელს დაარღვევს და 20 ივლისს ბათუმში საზღვაო ბიბლიოთეკას გავხსნით. ვფიქრობთ, ზღვაზე ჩამოსულ დამსვენებლებს შეეძლებათ დასვენების დღეები საინტერესოდ და შინაარსიანად გაატარონ. ჩვენი წიგნები ყველასთვის ხელმისაწვდომი იქნება. მინდა აღვნიშნო, რომ ეს არის „"ბიბლუსის" სოციალური პროექტი, რომელსაც არ აქვს კომერციული დატვირთვა. წიგნები აბსოლუტურად უფასოდ შეუძლია მიიღოს მკითხველმა და ბიბლიოთეკის პრინციპით ისარგებლოს. გარდა ამისა, მინდა აღვნიშნო, რომ ,,ბიბლუსს" ბათუმში 3 ფილიალი აქვს, სადაც ზაფხულის ფარგლებში მომხმარებელი 50%-მდე ფასდაკლებით ისარგებლებს. ბიბლიოთეკის გახსნას რეგიონული ღონისძიებების ფარგლებში, აქაც სასიამოვნო საღამოთი ვაპირებთ. კერძოდ, 20 ივლისს, ზუსტად საღამოს 10-ზე პოეზიის მოყვარულ საზოგადოებას, პლაჟზე კოცონით, ღვინით, გიტარის ჰანგებითა და ლექსებით ვუმასპინძლებთ. ამ საღამოს გალამაზებაში ბათუმელი პოეტი და მუსიკოსი ირაკლი ფაღავა დაგვეხმარება." ირაკლი ფაღავა: "20 ივლისს„ "ბიბლუსის" საზღვაო ბიბლიოთეკაში შევიკრიბებით წიგნის მოყვარულები. იქნება კოცონი, მუსიკა და პოეზია. საღამოს თქვენი მონა-მორჩილი გაუძღვება. წავიკითხავ საკუთარ ლექსებს, დავუკრავ მეგობრებთან ერთად. ვფიქრობ, საინტერესო და მშვიდი საღამო გამოვა, ისეთი, ბათუმს რომ შეეფერება. მინდა ორიოდე სიტყვა "ბიბლუსზეც" ვთქვა. ძალიან საინტერესო და ორიგინალური იდეაა. ასე რომ, ბათუმში ჩამოსულ დამსვენებელს პლაჟზე უფასოდ შეეძლება ნებისმიერი წიგნის წაკითხვა".“ ზღვის სანაპირო, კოცონი, მუსიკა და პოეზია... წიგნის მოყვარულებისთვის 20 ივლისს ნამდვილი ზეიმი იქნება. დასწრება უფასოა. ვიცი, რომ ბევრი წიგნის მეგობარი შევიკრიბებით. ასე რომ, "ბიბლუსის" საზღვაო ბიბლიოთეკაში შეხვედრამდე. 20 ივლისიდან ნებისმიერ მსურველს შეუძლია მივიდეს ბათუმის ზღვის სანაპიროზე, "ბიბლუსის" საზღვაო ბიბლიოთეკაში, აირჩიოს სასურველი წიგნი და წაკითხვის შემდეგ უკან დააბრუნოს, რათა ახალი შეარჩიოს. ეს სოციალური პროექტი კიდევ ერთი შესანიშნავი წამოწყებაა წიგნის მოყვარულთათვის, ან მათთვის, ვინც ახლა უნდა ეზიაროს წიგნებს.
თორნიკე ყაჯრიშვილი
სრულად

Luxury Gifts